Grounded..

Bro..

Apolah punyo malang..tibo2 yo mato den bongkak.. Maso gi kojo semalam, ok laie.. tibo2 yo dlm pukul 9.00, mato den mulo podih.. lopeh tu bongkak..then, apo laie, muko pun turut boghubah.dari tak macho toghus jadi the beast.

Pagi tu, yg den poghasan, cam ado plak menatang yg langgar kek bijik mato den ni.. Tapi ghasonyolah..bukan bondo tu yg buek mato den jd cam ni.. Pasal ie.. kek ghumah den, ado 3 oghang anak den yg dah kono sakit mato ni.. Kompom, jangkit lah tu..



Bilo dah tak buleh tahan, tongahari, den toghus balik ghumah.. tido.. Nak gi klinik pun maleh raso.. sobab ado byk ubat sakit mato kek ghumah..

Dlm kul 2.30 ptg, rsakso A plak dtg ghumah ajak den poie hantar PC kek Poli.. Ado gak den boie tahu yg den ni sakit mato...dio buleh kato tak po lak.. Lantak kau lah.. Lopeh ni kau jgn nak salahkan den..

Mlm plak, anak yg kocik, "Haiqal" ado concert tadika. Takkan tak nak poie.. Sian plak kek dio.. hmm..hontam yo lah.. amik kau, satu keto yg poie concert tu, smuo mato bongkak.. tapi di sobabkan smuo pkai spek, tak do lah yg poghasan.. Kigho kami ni cam penyebar wabak plak lah mlm tadi..

Dlm pkul 8.30 mlm, ain, bini den dan den gi klinik amik MC.. doktor buleh sonyum yo.. Dio kato, skrg ni mmg wabak sakit mato sdg mlando msia.. hari ni yo, ramai yg dtg sakit mato kek klinik dio..

Bilo den tanyo, boto ko klu sakit mato ni buleh jngkit dgn pandang mato org yg sakit, dio sonyum yo.. mano buleh..kato dio.. semuo ie pasa bosih ke tak.. kono slalu cuci tangan.. kuman tu tak airbon cam H1N1.. dio ghebak mlalui sontuhan...



Musim hujan ni mmg byk penyakit yg mulo ektip.. so, jago2 yo lah.. salah satu ie yg dah munco yolah sakit mato.. yg lain lum tau laie.. adohai..ngoghi gak dongar bilo dr. boghie tahu cam tu..

So, 2 haghi cuti.. klu tak baik gak, sambung mc laie.. Nasihat dio, jgn nak poie jln2..kang ngoghi plak org lain.. hmm..itulah yg dinamokan kono grounded..


Klu nak jenjalan gak... pkai yolah cam ni.. kompom slamat..

Oklah..den chow dulu..

Dah lobeh 10 jam den tido ni..

Salam..